| swin's profileº¤ø๑La maison de Swin๑ø¤...PhotosBlogLists |  Tools  Help |
|
May 18 4月＋黄金周！
4月，专业实习，我地班分配到环市东路的文化假日酒店。经过简单的面试，好好彩，我分左去前台部，自己选择左去商务中心即系BC做。
人生第一次工作，切切实实地感受到咩叫上班一族。我都算好彩，五洗三班倒。每日都系上8点到5点，正常的行政班！每日一早就要起床，七点就要去到车站搭220，一旦过左呢个时间，部车简直就系拥挤到爆。根本只手都五洗扶实，就算刹车，你都五会跌低。仲恐怖过我以前搭14路车翻学，真系严重好多倍！
第一日返工，就要背晒所有的价格，学晒所有的设备、电脑系统点样操作。其实，平时响过度返工都几舒服，无客人的时候一日都可以坐，五洗好似我系餐饮部嘎同学甘，企足一日，仲有托住个盘，日日6点3就上班，日日都要打的。所以，系呢方面，我真系觉得好幸运。
经过几日嘎返工，我都熟悉左果度的所有野。跟住，就迎黎繁忙的交易会。交易会期间，真系好辛苦。每日超级多鬼老入黎，叫你帮距做呢样，做果样。有一日，我返到去之后，7、8个鬼老一齐入黎，根本做到停五到手。一路做到12点几，坐都未坐过，仲要水都未饮过，简直辛苦到爆。果日我仲要收到张假嘎100蚊…不过好彩五洗我赔～
英国人就最好，好有礼貌，成日都会对住你笑，帮距地做野好开心。美国人都算五错，至于有d中东果d就真系麻麻啦。有一日见到两个法国人，同距讲法文，距一听到有人识讲法文，即时几开心啊！跟住就对住我讲左句好长的法文，而且讲得好快。我即时呆左，五知讲乜。距又讲多次，我都系听五到，于是距就有d失望…我唯有同距讲：Je suis désolée.(I’m sorry.)。不过最好距都好开心甘同我讲salut。所以，真系要恶补法文先得啦～
最开心嘎一次就系有个英国人，我帮完距之后距对我讲左句：“Good service!”，听到之后，终于感受到咩叫服务行业。做到令客人开心，满意嘎事情，距对你嘎赞赏，就系最好的回报，呢个就系做酒店嘎快乐！不过，每一日都要接触好多好多好多嘎鬼老，入黎BC嘎人，无一个系讲中文，d鬼老嘎香水搞到我头都晕。就系因为太多鬼老，令到我果排见到鬼老就想呕。但系，最大嘎收获就系可以练习我poor嘎英语，家阵已经五怕同d鬼老沟通啦！^ ^（虽然有时都系听五明距讲乜～哈哈，但系真系进步左，大胆左！）
至于BC嘎同事都对我好好，好照顾我！唯有一个，超级衰、超级烦，仲要冤枉我！不过，五开心嘎就算，都已经过去，五好再提啦！呢种人对实习生都甘衰，以后实会有报应！其他同事都好好，我地仲一齐约出黎吃饭，打机！我其他同学都无话同d同事甘夹，所以，我觉得好幸运！
今次实习，真系令我学识好多野，亦真正感受到工作嘎压力。一旦做五到野，就会比人闹，呢样都系其次，重要嘎系会令自己好自卑，觉得自己好无用，系度阻住人做野。呢种感觉，真系非常之五好受。所以，做野真系要醒醒目目，就算实习，都五系玩，要认认真真甘对待。另外，比人冤枉过，就真系感受到咩叫职场嘎险恶。除左学习左好多专业知识之外，我觉得，呢d先系我最大嘎收获。对我以后应该点样做野，有好大嘎作用。虽然，可能好多人觉得我呢d系废话，又或者一早就知道，但系，确实改变左我！真系五好再甘天真啦！！同埋，我发现，原来读书真系好舒服。无压力，无负担，而且好自由，所以会更加珍惜系学校嘎时间，比心机读书，为左以后可以有幸福嘎生活！
结束左恐怖嘎实习，跟住系快乐黄金周啦！！先苦后甜，会更加甜～
行街，当然系首要啦！跟住我地约左好耐无见嘎michel出黎吃饭，倾左好多，又上左堂难忘嘎课！然后，就系我地嘎“淫贱之旅”终于实行左啦！（虽然无左cici…）今次，我啦、曦啦、琳姐啦、伦姐啦、仲有小花啊！！开开心心去左下川岛旅游～早上去沙滩，夜晚宵夜、劈酒（不过我就五甘饮啦！）、倾计….总之好好玩，天气又好！仲影左好多相添啊！！
总之，4月份好充实，黄金周好好玩。工作、朋友、学习，所有都好重要！！
好啦～懒人终于写完啦…… Comments (4)
TrackbacksThe trackback URL for this entry is: http://swinjiro.spaces.live.com/blog/cns!A1B88B10C1BE46B1!478.trak Weblogs that reference this entry
|
|
|
